Ливанда үкіметке қарсы наразылық шаралары жалғасуда

Хезболла мен Сирияны жақтайтын одақтастарының мыңдаған қолдаушысы Ливан үкіметіне қарсы наразылық шараларын одан әрі жалғастыруда. Олар екі күн қатарынан премьер-министр Фоуад Синиораның кеңсесінің жанында наразылық танытуда. АҚШ мемлекеттік департаментінің баспасөз-хатшысы Том Кейси жаппай наразылық акцияларға Сирия мен Иран түрткі болған деп кінәлады. Оның айтуынша, бұл шаралар демократиялық түрде сайланған үкіметті биліктен құлату мақсатында жасалып отыр.