Парижде өткен БҰҰ Қауіпсіздік Кеңесінің тұрақты мүше елдері мен Германия өкілдерінің Иранның ядролық бағдарламасына қатысты санкция жариялау мәселесі бойынша отырысында прогрес болды, бірақ ақырғы келісім жасалған жоқ. Иран белгіленген уақыт 31-тамызға дейін уран байытуды тоқтатпағаны үшін қатаң санкциялар салу керек деген АҚШ бастаған ұсынысты Ресей әлі де қолдамай отыр. Ал, Иран президенті Махмуд Ахмединежад Техран бұл кеңестің шешімін Иранға жасалған қастық әрекет деп қарайтынын айтқан.
