Құрманбек Бақиев АҚШ базасында адам өлтіру оқиғасын тергеуді өз бақылауына алды

Қырғызстан президенті Құрманбек Бақиев Бишкек әуежайында америкалық сарбаздың Қырғызстан азаматын атып өлтірген оқиғасын тергеуді өз бақылауына алды. Оқиға АҚШ әуе әскери базасы орналасқан "Манас" әуежайында кеше орын алды. АҚШ әскери басшылығы сарбазымыз өзін өзі қорғап, қару қолдануға мәжбүр болды дейді. Президент Бақиев мәселе жайында АҚШ елшісі Марие Ювановичпен және АҚШ әскери базасының басшыларымен кездесті.