Ресей өкілі Теһранда Иран ресмилерімен келіссөз өткізді

Ресей өкілдері Теһраннан уранды байытуын тоқтатуды талап ететін БҰҰ-ның өзгертірілген қарар жобасын абайлап қабылдады. Атом энергиясы жөніндегі Ресей агенттігінің басшысы Сергей Кириенко Иран өз уранын Ресейде байытса болады деген Ресейдің ұсынысы тығырыққа тірелген мәселенің шешілуінде маңызды роль атқара алады деп мәлімдеді. Иран сыртқы істер министрі Манучехр Моттакимен Теһранда өткізген келіссөзінен кейін Кириенко жаңа ірі ядролық мемлекеттердің пайда болуына Ресей жол бермейді деді.