Беларусь оппозиция белсендісі аштығын доғарды

Беларусь түрмесіндегі оппозиция белсендісі Александр Казулин осыдан 53 күн бұрын жариялаған аштығын тоқтатты. Казулинмен телефон арқылы сөйлескен оның жұбайы бұл хабарды растады. Оппозиция белсендісі Казулин президент Александр Лукашенконың қайта сайланғандығына байланысты наразылық шараларын басқарған соң, шілде айында бес жарым жылға бас бостандығынан айырылған болатын.