БҰҰ-ның қинап-азаптау жөніндегі арнайы өкілі Өзбекстандағы жағдайға байланысты алаңдаушылық білдірді

БҰҰ қинап-азаптау жөніндегі арнайы баяндама жасаушысы Манфред Новак Өзбекстанда түрмедегілерге қинап-азаптау әдістерін қолдану кеңінен таралған деген хабарларға байланысты алаңдаушылығын білдірді. Азаттық радиосының Өзбек қызметіне берген сұхбатында Новак осыған байланысты елдегі жағдайды тексеру үшін Өзбекстан үкіметінен рұқсат сұрағанын, бірақ осы уақытқа дейін олардан жауап алмағанын айтты.