БАҒДАД: Ирақта тағы 3 АҚШ жауынгері құрбан болды. АҚШ әскері басшылығының хабарлауынша, кеше кешкісін автокөлікпен келе жатқан әлгі жауынгерлер Бағдадтың солтүстігінде минаға тап болды. Сондай-ақ кеше Бағдадта діни қақтығыстан қаза тапқан 53 адамның мәйіті табылды. Ұлттық бітімге келу тақырыбы бойынша Бағдадта өтіп жатқан конференцияда премьер-министр Нұри Әл-Мәлики халықты бірлікке үндеді. Ол С.Хусеин армиясының бұрынғы қызметкерлерін жаңа қарулы күштердің қатарына кіруге шақырды.
