Палестинада кезектен тыс президент және парламент сайлауы өтер-өтпесі әлі белгісіз

РАМАЛЛА: Бүгін Палестинаның “Хамас” ұйымынан сайланған премьер-министрі Исмаи Хания мәлімдегендей, “Хамас” – кезектен тыс парламент сайлауына қатыспайды. И.Хания Автономия президенті М.Аббастың кезектен тыс президент және парламент сайлауын өткізуді ұсынуын “арандатушылық” деп бағалады. Оның атап көрсеткеніндей, Палестина үкіметі кезектен тыс сайлау өткізуді қолдамайды, өйткені ол конституцияға қайшы келеді және Палестина халқын жікке бөлуі мүмкін. М.Аббас кезектен тыс сайлау өткізу керек деп сенбі сөйлеген болатын.