Діни басшыны... тіпті оны қызметтен босата алатын Кеңеске сабырлы саясаткер сайлануы мүмкін

ТЕҺРАН: Иранның беделді діни бақылау мекемесі болып табылатын Сарапшылар Кеңесіне сайлау барысында бұрынғы президент Әли Хашеми-Рафсанджани көш бастап келеді. Бастапқы мәлімет бойынша, “президентшіл” үміткерге қарағанда, президент М.Ахмади-Неджадтың саясатына қарсы сабырлы көзқарас ұстанатын Рафсанджани 2 есе көп дауыс алған. Рафсанджани – сабырлы исламистер мен реформашылдардың бірлестігі атынан дауысқа түсіп отыр. Сарапшылар Кеңесі – Иранның рухани басшысын бекітетін, қадағалайтын және тіпті оны қызметінен босата алатын құзыры бар жоғарғы діни мекеме. Жұма күні берілген дауыстардың қорытындысы бүгін жариялануға тиіс.