ГРОЗНЫЙ-ЖЕНЕВА: Чешенстанның Новые Атаги ауылында белгісіз қарақшылардың Халықаралық Қызыл Крест комитетінің 6 қызметкерін өлтіріп кеткеніне 10 жыл толды. Аталған Комитет 1996-ншы жылғы осы қылмысты тергеудің барысы туралы әлі ешқандай ресми құжат алмағанын мәлімдеді. Жексенбі күні Қызыл Крест комитеті “Новые Атаги” ауылында қаза болған 6 өкіліне ескерткіш тақта орнатса, Женевадағы бас штаб-пәтерінде міндетін атқару кезінде қаза болған барлық қызметкерін еске алу рәсімін өткізеді.
