Бас Ассамблеядағы 192 мемлекеттің 72-сі Иранға қатысты Қарарды қолдады

НЬЮ-ЙОРК: Кеше БҰҰ-ының Бас Ассамблеясында Ирандағы адам құқының жаппай бұзылуына алаңдаушылық білдіру туралы Қарарға дауыс берілді. Қарар 192 мемлекеттің ішінен 72-сі қолдап, 50 мемлекет қарсы дауыс беріп, 55 ел қалыс қалып қабылданды. Дауыс берудің алдында Иран дипломаттары оған бөгет болуға тырысып көрді. Ұлттар Ұйымының Қарарында адамның құқын қорғаушылар мен саяси қарсыластарын, өзгеше ойлайтын дін қайраткерлері мен тәуелсіз журналистерді, парламент депутаттары мен студенттерді және т.б. қудалауы мен қорқытуын Иран билігінің “қателігі” деп көрсетеді.