Н.Назарбаев Бежинде Қытай лидерлерімен кездесіп, келіссөз өткізеді

БЕЖИН: Кеше Қазақстан президенті Н.Назарбаев 4 күндік мемлекеттік сапармен Бежинге ұшып келді. Ресми бағдарламасы бүгін басталатын осы сапардың қорытындысы бойынша екі жақты 10 құжатқа қол қойылуға тиіс. Сапар барысында Н.Назарбаев бүгін Қытай төрағасы Ху Цзиньтаомен келіссөз өткізіп, Халық өкілдерінің бүкілқытайлық жиналысының тұрақты комитетінің төрағасы У Бангомен және Қытай премьері Вэнь Джибаомен кездеседі. Қазақ делегациясының құрамында үкіметтің 6 мүшесі мен Ұлттық қауіпсіздік Кеңесінің хатшысы М.Тажин бар.