Кремль М.Ходорковскийді “түрмеде шірітуді” мақсат етіп отыр

МӘСКЕУ: Ресейдің Бас прокуратурасы бүгін “ЮКОС” мұнай компаниясының бұрынғы басшысы М.Ходорковскийден жаңа қылмыстық іс бойынша жауап алды. Оның адвокаты Юрий Шмидтің хабарлауынша, М.Ходорковский мен “МЕНАТЕП” банкісінің бұрынғы төрағасы П.Лебедевке “ЮКОС”-тің еншілес компанияларынан мұнай ұрлап, оны сатудан түскен қаржыны “Ашық Ресей” қоғамдық ұйымына қайырымдылық көмек есебінде беру арқылы заңдастырды деген жаңа айып тағылып отыр. Жаңа айып бойынша Ходорковский мен Лебедевтің түрмеде өтеуге тиісті 8 жылдық жазасы тағы ұзартылуы мүмкін.