Ауғанстанда полиция басшысы ұрланды

Ауғанстан полициясының хабарлауынша, Талибан соғысушылары Фараһ провинциясындағы полиция басшысын ұрлап әкеткен. Ал өзін Талибан баспасөз хатшысы деп атаған Қары Мохаммад Усуф жексенбі күні талибандықтар полиция басшысынан басқа тағы 9 полиция қызметкерін қолға түсірді деп мәлімдеді. Бірақ бұл хабарды полиция өкілі жоққа шығарды. Аталған өлкедегі полиция кеңсесі өртелді деп хабарланды.