БҰҰ бас хатшысы Ирақ үкіметін сынға алды

БҰҰ бас хатшысы Бан Ки-мун Ирақ үкіметі Саддам Хусейнмен бірге айыпталған екі азаматты дарға асу арқылы халықаралық қауымдастықтың шақыруларына құлақ аспады деп мәлімдеді. 1982-ші жылы Дужаил ауылында 148 шиитті өлтірді деп айыпталған марқұм Саддамның жартылай бауыры Барзан Ибрагим әл-Тикрити және Ирақ революциялық сотының бұрынғы басшысы Ауад әл – Бандар дүйсенбі күні дарға асылған болатын. Еуропа басшылары бұл өлтірулерді айыптады. Ирақтағы АҚШ елшісі Залмай Халилзад Хуссейннің екі үзеңгілесінің дарға асылуын “Ирақ шаруасы” деп атады.