Қырғыз Парламенті Ф.Құловтың бас министрлікке кандидатурасын қолдамай отыр

Қырғызстан президенті Бақиев соңғы аптаның ішінде Құловтың бас министрлікке кандидатурасын Парламент талқылауына екінші рет ұсынды. Ал қаңтардың 18-інде Қырғызстан парламенті Құловқа қарсы дауыс берген болатын. Бірақ Парламент бұл аптада осы мәселені талқыламақ ниетте емес көрінеді. Құловтың министрлер кабинеті өткен айда өз қызметін ресми түрде тапсырғанымен әзірше жұмыс басында қалып отыр.