Италия президенті дағдарыс сенбі күні шешіледі деді

Бүгін Италия президенті Джорджо Наполитано екі күндік кеңесулерден кейін, премьер-министр Романо Продидің солшыл орталық үкіметі билікте қала ма, жоқ па - соны жариялауы керек. Проди сәрсенбі күні солшыл сенаторлар Ауғаныстанға Италия күштерін орналастыруға қарсы дауыс берген соң, қызметінен кеткен болатын. Одақтас әріптестер қазір пікірқайшылықтарды реттеген сияқты. Оңқанат партиялар болса, ертерек сайлаулар өткізуге шақырып отыр.