Әлемнің алпауыт елдері Иранға қатысты БҰҰ-ның жаңа қарарын әзірлеп жатыр

БҰҰ Қауіпсіздік Кеңесінің бес тұрақты мүшесі мен Германия дипломаттары Иранға қарсы санкцияларды күшейтуге бағытталған БҰҰ-ның жаңа қарарын әзірлеп жатыр. Британия Сыртқы Министрлігінің мәлімдеуінше, Лондонда жиналған дипломаттар бұл мәселені мұқият көріп шығып, жасалатын келесі қадамдар жөнінде “жемісті” талқылаулар өткізген. Келіссөздер енді телефон конференциясы арқылы бейсенбі күні жалғасатын болады.