БАГРАМ: Бүгін таңертең Ауғанстанның Баграм қаласындағы АҚШ-тың соғыс базасының кіре-берісінде жанкешті-террорист өзінің автокөлігін жарып, осы кезде базада болған АҚШ-тың вице-президенті Дик Чейни аман қалды. Бұл қастандықтан қаза болғандардың саны туралы қарама-қайшы мәліметтер айтылып жатыр. Ауғанстан президенті Х.Қарзайдың кеңсесі 23 адамның қаза тапқанын хабарласа, Батыс ақпарат құралдары 12 адамның мерт болғанын хабарлайды.
