Би-Би-Си өз тілшісін кісі ұрлаушылардың алып кеткенін растауға асықпайды

ЛОНДОН: Би-Би-Си корпорациясы Газа аймағынан хабар беретін өзінің тілшісі – британ журналисі Алан Джонстонның тағдырына алаңдай бастады. Одан әлі де еш хабар жоқ. Сонымен бірге Би-Би-Си, Палестина полициясы хабарлағандай, оны кісі ұрлаушылардың алып кеткені туралы ақпарды әлі растамай отыр. Соңғы 1,5 жыл ішінде Газа аймағында кісі ұрлаушылар 10-нан асатын шетелдік журналист пен халықаралық қайырымдылық ұйымдарының өкілін ұрлап алып кетті. Әйтсе де, көбінесе бірнеше сағаттан кейін оларды аман-есен босатып жіберетін.