Бүгін Иранның сыртқы істер министрі Манучир Моттаки егер өздерінің ядролық мәселесі БҰҰ Қауіпсіздік Кеңесінен алынатын болса, бағдарламаға қатысты қажетті кепілдіктерін дайындап қойғандарын айтты. Моттаки бұл туралы Женевада өтіп жатқан халықаралық қарусыздану конференциясында мәлімдеген. Бірақ, ол Иранның кепілдіктің қандай түрін дайындағанын ашып айтпады. Иран өзінің ядролық бағдарламасы бейбіт мақсатта екенін айтып келеді.
