Қазақстанның ІІМ-і “ҚазАтКом” ауылындағы жанжал ұлттық негізде шыққан деген ақпарды жоққа шығарады

АЛМАТЫ: Кеше Алматы облысының Еңбекшіқазақ ауданына қарасты “Маловодное” ауылының жергілікті тұрғындарының арасында болған жанжалдың салдарынан, бастапқы ақпар бойынша, 3 азамат қаза тапты, тағы бірнеше адам жарақат алды. Құқық сақшыларының мәліметі бойынша, бұл жанжалға кемінде 50-ге жуық тұрғын қатысқан көрінеді. Қазір жанжалдың себептері тергелу үстінде. Қазақстанның ішкі істер министрлігі “жанжал ұлттық негізде шықты” деген ақпарды үзілді-кесілді жоққа шығарды.