Түркия күрдтері Наурыз мерекесін тойлауға дайындалып жатыр

АНКАРА: Мыңдаған күрд халқы Наурыз мерекесін тойлау үшін Түркияның оңтүстік-шығысындағы ірі Диарбәкір қаласына жиналып жатыр. Көктемнің бірінші күні мерекесін күрдтер, әдетте, өздерінің сепаратистік талаптарын қою үшін пайдаланады. “Күрд бүлікшілерімен ауыз жаласты” деген айыппен талай күрд саясаткерінің тұтқындалуы салдарынан биыл ахуал ушығып тұр. Ресми билік күрд белсенділерінің заңсыз шерулеріне жол бермейтінін ескертіп, қауіпсіздік шараларын күшейтті.