БҰҰ-ның өкілі Ауғанстанда апиын өндірісі бақылаудан шығып кетті деп дабыл қағады

Есірткімен күрес және қылмыс агенттігінің жетекшісі Антонио Мариа Коста Ауғанстанның оңтүстік аймағында апиын өндірісі етек алып кетті дейді. Ол бұл аймақтағы бүлікшілік көтерілістер көкнәр өсіріп, оның саудасын қыздыруға әсер етіп отыр деп айтқан. Оның айтуынша, Ауғанстанның солтүстік бөлігінде апиын өндірісі біршама азайғанымен, оңтүстікте керісінше, оның көлемінің артып бара жатқаны барлық жасалып жатқан шараны жоққа шығарады деген.