Ирақта түрлі шабуылдарда 100-ден аса адам қаза тапты

Ең үлкен шабуыл кеше Тал-Афар қаласында жасалды, мұнда екі мәшинеге қойылған бомбалар жарылды, кемінде 48 адам өлтірілді, 100-ден аса адам жарақат алды. Рамади қаласында жанкештінің бомба шабуылынан 17 адам қаза тапты. Бағдадта оқ пен мина астында 20 шақты адам қаза тапты. Басқа адам шығындары Әл-Исқандәрия, Киркөк және Фаллуджа қалаларында орын алды.