Тынық мұхитындағы зілзаладан цунами пайда болды

ХОНИАРА: Тынық мұхиттың оңтүстігіндегі Соломон аралдарына цунами ұрып, кем дегенде 12 адам қаза тапты, тағы талай халық хабар-ошарсыз кетті. Ресми билік құрбандардың саны арта түсе ме деп алаңдап отыр. Хабарға қарағанда, биіктігі 10-шақты метрге жететін су толқыны бірнеше ауылды түгел шайып кетті. Жапа шеккен өзге аудандармен байланыс қиындады. Цунами – Тынық мұхитында болған зілзаладан туып отыр. Цунамидің қатері туралы Жаңа Гвинея мен Аустралияның солтүстік-шығыс жағалауы ескертілді.