Иранда қамауда отырған 15 Британия теңізшісі бүгін еліне оралады

Иран президенті Махмұд Ақмединижат кеше олардың босатылатынын жариялады, бұл британ халқына жасап отырған "сыйлығым" деп сипаттады. Британ теңізшілері екі апта бойы қамалып отырды, олар 23 наурызда Парсы шығанағында ұсталған. Иран теледидарында кеше теңізшілердің үшеуі көрсетлді, олар Иран президентіне алғыстарын айтып жатты. Иран теңізшілер еліміздің су айлағына рұқсатсыз кірген дейді, Британия мұны жоққа шығарады, теңізшілер Иран емес, Ирақ жағында жүрген дейді.