АСТАНА: Еуропадағы қауіпсіздік және ынтымақтастық жөніндегі ұйымының қазіргі төрағасы - Испания сыртқы істер министрі Мигель Анхель Моратинос бүгін Қазақстанға ресми сапармен келеді. Ол жайында кеше Қазақстан сыртқы істер министрлігінің ресми өкілі Ержан Ашықбаев хабарлады. Оның айтуынша, Моратиностың Астанаға сапары сейсенбі және сәрсенбі - 2 күн жалғасады. Сапарының барысында Испания министрі әрі мәртебелі Еуропалық ұйымның қазіргі төрағасы Қазақстан президентімен және басқа да ресми өкілдермен кездесіп, келіссөз өткізеді.
