БҰҰ-ының Бас хатшысы Ауғанстандағы НАТО әскерін ахуалды түзуге шақырды

НЬЮ-ЙОРК: БҰҰ-ының Бас хатшысы Бан Ки-Мун Ауғанстанда жуырда ғана болған қантөгіске наразылығын білдірді. Тәліптер тұтқынға түскен ауған журналисін дарға асып өлтірген болса, жол бойындағы бомбаның жарылысынан НАТО әскерінің құрамында қызмет атқаратын канадалық 6 жауынгер қаза тапқан болатын. Бан Ки-Мун Ауғанстандағы қалыптасқан ахуалға өзінің зор алаңдаушылығын айтып, НАТО-ның басқаруына қарайтын халықаралық күштерді осы елдегі жағдайды қалпына келтіруге шақырды.