Түрік армиясы Ирақтың солтүстігіндегі күрдтердің лагеріне жорық жасауға дайын

АНКАРА: Түркия армиясының Бас штабының бастығы, генерал Ясар Буюканит күрд сепаратистеріне қарсы Ирақтың солтүстігінде соғыс операциясын жүргізуге шақырды. Осыған дейін түрік үкіметі Түркиядағы бүлікке әзірлену үшін мыңдаған күрд сепаратисінің Солтүстік Ирақты паналағанын мәлімдеп, АҚШ пен Ирақ үкіметінен күрд лагерлеріне соққы беруін талай рет талап етіп келді. Бірақ АҚШ-тың мемлекеттік департаменті ресми Анкараны Ирақтың солтүстігінде соғыс операциясын жүргізуден бас тартуға және Ирақ пен Түркияны осы проблеманы бірлесіп шешуге шақырды.