В.Янукович кезектен тыс парламент сайлауын өткізуге келіседі

КИЕВ: Украинадағы саяси дағдарыстың барысында президент В.Ющенко мен премьер-министр В.Янукович бастапқы райларынан қайтып, саяси дағдарыс біршама басылған тәрізді. В.Янукович, өзінің саяси қарсыласы талап еткендей, кезектен тыс парламент сайлауына қатысуға келісуі мүмкін екенін хабарлады. Оның мәлімдеуінше, Конституциялық сот президенттің жарлығын заңғы қайшы деп шешкен күннің өзінде де, оның сайлауда дауысқа түсуі мүмкін. Кеше Киевте өткізген баспасөз-маслихатында президент В.Ющенко Конституциялық соттың шешіміне бағынатынын мәлімдеді.