Тәліптер кепілдіктегі француз тұтқындарын босату үшін өз шарттарын алға тартты

Тәліптер тұтқындағы екі француздың өмірін сақтап, оларды босату үшін Франциядан әскерлерін бір аптаның ішінде Ауғанстаннан шығаруды, ал Ауған үкіметінен түрмедегі бірнеше тәліпті босатуды талап етті. Кабулдың маңайында 1100 жасағы орналасқан Франция қойылған талаптарды зерттеп жатырмыз деді. Ауғанстан президенті Хамид Қарзай италияндық журналисті талибандықтарға алмастырып босатқаннан кейін, енді мұндай айырбастау әрекетіне бармайтындығын мәлімдеген болатын.