Құрама Штаттарға жоспарланған жоғары дәрежедегі сапарды Әзірбайжан кейінге қалдырды

Оның себебін ресми Баку АҚШ Мемлекеттік департаментінің адам хұқы бойынша 2006-шы жылға арналған баяндамасындағы Әзірбайжан мен Таулы-Қарабақ жанжалына байланысты бағалаудың өзгеруімен түсіндіруде. Бұл өзгерістер бойынша Армения мен Әзірбайжан арасындағы қақтығыстар мәні өзгертіліп көрсетілген, делінген Сыртқы істер министрлігі мәлімдемесінде. Мұның өзі аталған жанжалды шешудегі АҚШ-тың шынайы ара ағайындығына көлеңкесін түсіріп отыр, делінген ол мәлімдемеде.