СЕУЛ: Бүгін Оңтүстік Корея Солтүстік Кореямен оған қайырымдылық көмек ретінде 400 мың тонна күріш беру туралы уағадаласты. Солтүстік Кореяның ядролық реакторын осы күнге дейін тоқтатпауына қарамастан Сеул Пхеньянмен арада ұзаққа созылған келіссөзден кейін осындай келісімге келіп отыр. Өз жағынан қайырымдылық көмек көрсету үшін Оңтүстік Корея көрші елдің алдына ешқандай шарт қоймады. Батыс елдері Сеулдің мұндай қадамын Солтүстік Кореяны өзінің ядролық реакторын жабуға көндіру үшін жасап отыр деп бағалайды.
