Украинадағы саяси дағдарыс аяқталуға жақын қалды

КИЕВ: Украина президенті В.Ющенко мен премьер-министр В.Януковичтің өзара уәжге келу мүмкіндігі пайда болған соң, бүгін Украина астанасы Киевте тыныштық орнады. Осыған дейін В.Ющенко мен В.Януковичті қолдайтын мыңдаған халық Киевтің орталығында күнбе-күн қарама-қатар наразылық митингілерін өткізіп келген болатын. Президент В.Ющенко егер Жоғарғы Рада депутаттары парламент фракцияларының жасақталуына қатысты бірқатар заңға өзгеріс енгізетін болса, онда парламентті тарату туралы өзінің жарлығын тоқтатуға әзір екенін мәлімдеген болатын.