Кремль АҚШ-тың радар жүйесінің Еуропаға орналастырылуына түбегейлі қарсы

МӘСКЕУ: Ресейдің қорғаныс министрі Анатолий Сердюковтің мәлімдеуінше, АҚШ-тың зымырандық соққыдан қорғану жүйесін Польша мен Чехияға орналастыру жоспары аймақтың және бүкіл әлемнің тұрақтылығына едәуір қауіп төндіреді. А.Сердюков Мәскеуде сапарды жүрген АҚШ-тың қорғаныс министрі Р.Гейтске осылай деп мәлімдеді. Мәскеуге Гейтс АҚШ-тың қорғаныс саласындағы жобаларын жүзеге асыру ісінде Ресейді әріптестікке шақыру мақсатымен бүгін келген болатын. Ресей жағы бұл жүйе Ресейге қарсы емес, “зұлым” елдерден төнген қатерге төтеп беру үшін қойылады деген Вашингтонның уәжіне құлақ аспады.