Кремльдің радар жүйесінен қорқуы Вашингтонның “күлкісін туғызады”

ОСЛО: АҚШ-тың мемлекеттік хатшысы К.Райс Американың Еуропаға орналастыруды жоспарлап отырған зымырандық шабуылдан қорғау жүйесі Ресейге қауіп төндіреді деген Мәскеудің уәжін теріске шығарды. К.Райс ханым АҚШ-тың Польшаға орналастыратын 10 соғыс ұшағы мен Чехияға орнатуды жоспарлап отырған радар жүйесі Ресейдің стратегиялық ядролық күштеріне қатер төндіреді деу “күлкі туғызады” деп атап көрсетті. Бүгін Норвегия астанасы – Ослода НАТО елдерінің сыртқы істер министрлерінің 2 күндік мәжілісі басталады және НАТО Кеңесі мен Ресей өкілдерінің келіссөздері өтеді.