Түркия әскерінің бас штабы президент сайлауының барысына алаңдаушылық танытты

Түркия қолбасшылары ел әскері Түркия зайырлы жүйесінің қорғаны, қажет болса әскер ұстанымын танытады деп ескертті. Түркия президенті парламентте сайланады, ислам бағытындағы партиядан ұсынылған сыртқы істер министрі Абдулла Гүл бірінші айналымда қажет дауыс жинай алмай қалды. Зайырлы бағыттағы оппозициялық партиялардың депутаттары сайлауға бойкот жариялады. Араға бірнеше сағат салып, Түркия әскері зайырлы құндылықтардың кепілдігі боп табыламыз деп мәлімдеді.