АҚШ-та 32 адам қаза болған қайғылы оқиғадан 2 апта өтпей тағы 3 адам оққа ұшты

КАНЗАС-СИТИ: АҚШ-тың батысындағы Канзас-Сити қаласының сауда орталығында бір қарулы адам оқ атып, одан кем дегенде 3 адам құрбан болды. Жергілікті полицияның хабарлауынша, өлгендердің бірі оқ жаудырған қаскүнемнің өзі көрінеді. АҚШ-тың Вирджиния штатындағы технологиялық университетінде Оңтүстік Кореядан келіп оқып жатқан бір студенттің 32 адамды қырып салған қайғылы оқиғасына әлі 2 апта да толған жоқ.