Иранның бірнеше ондаған мың Ауған босқындарын қайтаруына наразылық ретінде бірнеше жүздеген адам Ауғанстан астанасында шеруге шықты

Олар Техранның бұл әрекетін айыптаған ұрандар ұстап, Қабылдағы Иран елшілігі алдына барды. Иран 25 мыңдай босқынды өз елінен сәуірдің 21-інен бастап шығара бастаған болатын. Оған Ауған үкіметі қарсылық білдіруде. Алдағы уақытта тағы 500 мыңдайын шығармақшы екен. Иранда екі миллионнан көп Ауғандық тұрады.