Ирақта тағы 2 АҚШ жауынгері мен кемінде 16 бейбіт тұрғын қаза болды

БАҒДАД: Ирақ полициясының хабарлауынша, шийттердің киелі Әл-Куфа қаласында бомба орнатылған автокөлік жарылып, одан кем дегенде 16 адам қаза тапты, тағы талай кісі жараланды. Бұл қастандық халық лық толған ашық базарда жүзеге асырылды. Қаза тапқандардың ішінде әйелдер мен балалар да болған көрінеді. Оған қоса Ирақта тағы 2 АҚШ жауынгері қаза тапты. Хабарға қарағанда, олар Бағдадтың оңтүстік-шығысындағы тас жолдың бойына орнатылған минаның жарылысынан мерт болған.