Армян оппозициясы президент Р.Кочерянның биліктен кетуін талап ету үстінде

ЕРЕВАН: Кеше армян оппозициясының мыңдаған белсендісі президент Роберт Кочерянға импичмент жариялауды талап етіп және сенбі күні өтетін парламент сайлауы нәтижесінің бұрмаланатынын ескертіп Ереванға жиналды. Жиынды ұйымдастырушылардың хабарлауынша, оған 15 мыңнан астам адам жиналып, 5 мыңға жуық полиция қызметкері оларды бағып тұрды. Шеруге шыққан халық, сонымен қатар, оппозицияның лидері әрі Арменияның бұрынғы сыртқы істер министрі Александр Арзуманянның осы аптадағы тұтқындалуына наразылық білдіру үшін Ұлттық қауіпсіздік қызметінің кеңсесіне барды.