Ауғанстанда бір айдан астам уақыттан бері тұтқында болған француздың гуманитарлық көмек қызметкерінің босатылғаны жайында Францияның сыртқы істер министрі Филипп Доуст Блэзи мәлімдеген. Бұдан бұрын тәліптер балаларға көмектесетін ұйымның қызметкері Эрик Дамфревилді босатып, халықаралық Қызыл крест қоғамының қызметкерлеріне бердік деп айтқан болатын. Дамфревилл мен оның әріптесі Селин Кордельерді және ауғандық үш адамды тәліптер сәуірдің 3-і күні қолға түсірген болатын. Француз әйелі сәуірдің аяқ кезінде босатылды, енді тәліптер қолында ауғандық тұтқындар қалып отыр.
