Коста Рикадағы Ресей елшілігіндегі текетірес оң аяқталды

Хабарларға қарағанда, Коста Риканың астанасы Сан Хоседегі Ресей елшілігі ғимаратының бір бөлігін бірнеше сағат бойына өз бақылауларында ұстаған екі адам елшіліктен шығарылған. Коста Риканың телеарнасынан олардың полиция күзетімен әкетіліп бара жатқаны көрсетілген. Бұның алдындағы берілген хабарларда қазақстандық делінген қарулы бір адамның елшіліктің ішінде бірнеше кісіні кепілдік тұтқынында ұстап отырғаны айтылған болатын.