Палестинадағы бақталас 2 топтың арасындағы жанжал тағы да жалғасты

РАМАЛЛА: Бүгін Палестина халқы 59 жыл бұрын Израиль мемлекетінің құрылып, 100-мыңдаған палестиндікті туған жерінен қуып жіберуіне байланысты “Әл-Нақба” немесе “Алапат күнін” атап өтеді. Оның қарсаңында Газа аймағында палестиналық бақталас ФАТХ қозғалысы мен “Хамас” ұйымы өкілдерінің өзара қақтығыстары тағы жалғасты. Жұма күні ең соңғы бітім бұзылып, қайта жалғасқан жанжалдан 9 адам қаза тапты. Тағы да азамат соғысының басталу қаупі төнді. Осыған байланысты кеше Палестинаның ішкі істер министрі қызметінен кетті.