Ресей мен АҚШ-тың арасындағы салқын қарым-қатынас “қырғиқабақ соғысы” емес

МӘСКЕУ: Жұмыс сапарымен Мәскеуде жүрген АҚШ-тың мемлекеттік хатшысы К.Райс Ресейдің 1-інші вице-премьері С.Ивановпен келіссөз өткізді. Жабық өткен келіссөздің барысында нендей мәселенің сөз болғаны беймәлім. Мәскеуге келе жатып өзіне ерген журналистерге Райс ханым Ресей мен АҚШ-тың қарым-қатынасын “оңай емес” деп бағалап, бірақ “оны қырғиқабақ соғысы деп атауға мүлде болмайды”, -деп мәлімдеді. Соңғы кезде Ақ үй мен Кремльдің арасы айтарлықтай суып кетті. Мәскеуге сапары барысында Райс ханым Ресей президентімен және басқа да ресми өкілдермен кездесуге тиіс.