Ресей, Қазақстан және Түркіменстан арасындағы келісім “Еуропа үшін жаман хабар”

ПАРИЖ: АҚШ-тың энергетика министрі Сэмюэл Бодмэн Түркіменстаннан Қазақстан арқылы Ресейге газ құбырын тарту жөніндегі келісімін “Еуропа үшін жаман хабар” деп бағалады. Каспий жағалауымен тартылуға тиісті бұл құбырмен түркімен газы – Қазақстан арқылы Ресейге, содан кейін ғана Еуропаға тасымалданады. Халықаралық энергетика агенттігінің Париждегі мәжілісінде сөйлеген сөзінде Сэмюэел Бодмэн: “Еуропа – басқа қуат көздерін қарастыруға тиіс”, - деп мәлімдеді.