Әзірбайжанда түрмеде жатқан оппозициялық газеттің редакторына терроризм айыбы тағылды

Әзірбайжан түрмесінде жатқан оппозициялық газеттің редакторына жаңа айып, терроризм айыбы тағылды. "Реальный Азербайджан" газетінің құрылтайшысы және редакторы Эйнулла Фатуллаев сәуір айында қамалған. Баку қаласының соты Эйнулла Фатуллаев Армениямен арада Таулы Қарабақ үшін болған соғыс кезінде жалған ақпарат таратты деп үкім шығарған. Прокуратура енді оған жаңа айып тақты, Эйнулла Фатуллаев террорлық қауіп төндірді деп айыпталды. Бұл ресми мәлімет егжей-тегжейлі тарқатылмады.