Ирақтағы бітіспес шийттердің көсемі Ас-Садр елден ешқайда қашпаған

БАҒДАД: Ирақтағы бітіспес шийттердің рухани лидері Мұқтада Ас-Садр соңғы бірнеше айдан бері алғаш жұртқа көрінді. Бүгін ол шийттердің киелі Куфа қаласының мешітіндегі жұма намазына қатысты. Ас-Садр – АҚШ армиясының көтеріліске, оның ішінде өзінің қарулы жасағына қарсы Бағдадтағы қауіпсіздік операциясы басталған қаңтар айынан бері көрінбей кеткен болатын. Сол кезде АҚШ әскерінің басшылығы Ас-Садр Иранға қашып құтылды деп мәлімдеген болатын. Ал Мұқтаданың үзеңгілестері оның Куфадан ешқайда кетпегенін айтады.