Пәкістан армиясының автокеруені жол бойындағы минаға ұрынды

ИСЛАМАБАД: Пәкістанның Ауғанстанмен шекаралас солтүстік-батыс ауданындағы жол бойына орнатылған фугас бомбасының жарылысынан 2 пәкістан жауынгері қаза болып, кем дегенде тағы бесеуі жараланды. Жарылыс Пәкістан армиясының Оңтүстік Вазиристанға жылжып келе жатқан автоколоннасы Танк қаласының маңынан өте бергенде болды. Бұл аудан “Талибан” қозғалысы мен “Әл-Қаида” ұйымы содырларының бекінісі саналады. Бұл қастандықты әзірше ешкім өз жауапкершілігіне алған жоқ.